Helsa di eller evnene dine kan endre seg slik at det ikkje lenger er trygt å la deg køyre. Politiet kan krevje at du går til undersøking hos lege. Politiet kan òg krevje at du tek heilt eller delvis ny førarprøve. Du kan miste retten til å køyre dersom legeundersøkinga viser at du ikkje fyller krava til helse. Det same gjeld dersom førarprøva viser at køyreferdigheiter dine ikkje er gode nok.

Dersom politiet har grunn til å tru at du ikkje lenger fyller krava for å ha førarkort, får du eit brev som varslar om at det kan bli aktuelt å tilbakekalle føraretten din inntil vidare. Brevet kan samstundes påleggje deg undersøking hos lege eller ny førarprøve dersom du vil behalde føraretten. Du kan òg få mellombels køyreforbod og krav om å levere inn førarkortet. Du kan uttale deg til politiet om varselet du har fått, og leggje fram opplysningar du meiner er relevante.

Statsforvaltaren kan òg tilrå politiet å tilbakekalle førarkortet. Grunnlaget er ei melding frå lege eller annan behandlar om at du ikkje lenger fyller helsekravet. Du får kopi av tilrådinga, og ho blir rekna som eit varsel om at føraretten kan bli tilbakekalla. Du kan uttale deg til politiet om tilrådinga.

Du uttaler deg om varselet ved å sende eit brev til politidistriktet ditt. Du kan òg bruke e-post, men ikkje ta med sensitive personopplysningar i e-posten. Kontaktinformasjon til politidistrikta finn du her.

Dersom du ikkje fyller krava til helse og køyreferdigheiter

Korleis kan eg få tilbake føraretten?

Dersom du ikkje fyller krava til edruelegheit og vandel

Korleis kan eg få tilbake føraretten?

Håndhevingsinstruks i førerkortsaker m.v. (RPOD-2022-13)